ગુજરાતના મુખ્યમંત્રીશ્રી નરેન્દ્રભાઇ મોદીએ સુપ્રસિધ્ધ પાશ્વગાયક પદ્મશ્રી-પદ્મભૂષણ મન્નાડેના દુઃખદ અવસાન અંગે શોક અને આઘાતની લાગણી વ્યકત કરી શ્રધ્ધાંજલિ પાઠવી છે.
મુખ્યમંત્રીશ્રીએ સ્વ. મન્નાડેને શ્રધ્ધાંજલિ અર્પતા જણાવ્યું કે મન્નાડે પોતાના અવાજના ઓજસથી સદાકાળ આપણા સૌના માનસપટ પર ચિરંજીવ રહેશે. તેમના અવસાનથી એક મહાન ગાયક આપણે ગુમાવ્યા છે.
મુખ્યમંત્રીશ્રીએ સદ્દગતના આત્માની પરમશાંતિ માટે પ્રભુપ્રાર્થના કરતાં શોકસંતપ્ત પરિવારજનોને સાંત્વના પાઠવી છે.
