મુખ્યમંત્રીશ્રીના હસ્તે શિવાર્પણ વિધિ અને પુજન વિધિ
મુખ્યમંત્રી શ્રી નરેન્દ્રભાઇ મોદીએ આજે સોમનાથ મહાદેવના દર્શન અને પુજા અર્ચના કર્યા બાદ શાસ્ત્રોકત વિધિ અનુસાર સુવર્ણકામની શિવાર્પણ વિધી કરી હતી.
સોમનાથ મંદિરનો સુવર્ણયુગ ફરી આવ્યો છે. ૫૭ કિલો સોનું મંદિરના ગર્ભગૃહ અને શિખર પર ત્રિશુલ કળશરૂપે ચઢાવવામાં આવ્યું છે. દાતા શ્રી દિલીપભાઇ લખી પરિવાર દ્વારા સુવર્ણદાન કરાયું છે.
મુખ્યમંત્રીશ્રીએ શિવપૂજા સાથે સુવર્ણ કળશની શિવાપર્ણ વિધિ કરી ધન્યતા અનુભવી હતી. બાદમાં મુખ્યમંત્રીશ્રીએ સોમનાથ મંદિરની સામે સરદાર વલ્લભભાઇ પટેલની પ્રતિમાને માલ્યાર્પણ કરી શ્રધ્ધાસુમન અર્પણ કર્યા હતા.
