ప్రధాన మంత్రి శ్రీ నరేంద్ర మోదీ రూ.500 మరియు రూ.1,000 కరెన్సీ నోట్ల విషయంలో కేంద్ర ప్రభుత్వం ఇటీవల తీసుకొన్న నిర్ణయంపై ఉద్దేశాలను తెలియజేయాలంటూ ప్రజలను కోరారు.
ప్రజలు వారి ఉద్దేశాలను 10 ప్రశ్నలతో కూడి ఉండే ఒక సర్వేక్షణలో పాలుపంచుకోవడం ద్వారా తెలియజేయవచ్చు. ఈ సర్వేక్షణ the Narendra Modi App పై లభ్యం అవుతోంది. ఈ సర్వేక్షణ యొక్క లింకును పంచుకోవడం ద్వారా ప్రధాన మంత్రి ఈ నిర్ణయం విషయంలో ప్రజల వద్ద నుండి మౌలిక ఉద్దేశాన్ని తాను తెలుసుకోగోరుతున్నట్లు ఈ రోజు ట్విటర్ లో తెలిపారు.
సర్వేక్షణ లోని పది ప్రశ్నలు ఈ కింది విధంగా ఉన్నాయి:
1. భారతదేశంలో నల్లధనం ఉందని మీరు భావిస్తున్నారా? ఎ. అవును బి. కాదు
2. అవినీతి మరియు నల్లధనం అనే దుష్ట శక్తులపై పోరాటం జరపవలసిన, మరియు వాటిని నాశనం చేయవలసిన అవసరం ఉందని మీరు అనుకొంటున్నారా? ఎ. అవును బి. కాదు
3. మొత్తంమీద, నల్లధనాన్ని ఎదిరించి పోరాడడానికి ప్రభుత్వం చేపట్టిన చర్యలను గురించి మీరు ఏమనుకొంటున్నారు?
4. నల్లధనానికి వ్యతిరేకంగా మోదీ ప్రభుత్వం ఇంతవరకు చేసిన ప్రయత్నాల విషయంలో మీరు ఏమంటారు? 1 నుండి 5 వరకు ఉన్న ఎంపికలపై స్పందించండి .. విశిష్టమైంది, చాలా మంచిది, మంచిది, సరే, నిరుపయోగకరమైనటువంటిది
5. పాత రూ.500, రూ.1000 నోట్లను నిషేధిస్తూ మోదీ ప్రభుత్వం తీసుకొన్న నిర్ణయంపై మీరు ఏమనుకొంటున్నారు? ఎ. సరైన దిశగా తీసుకొన్న గొప్ప నిర్ణయం బి. మంచి నిర్ణయం సి. ఎటువంటి వ్యత్యాసాన్ని చూపదు
6. నల్లధనాన్ని, అవినీతిని మరియు ఉగ్రవాదాన్ని నిరోధించడంలో నోట్ల రద్దు తోడ్పడుతుందని మీరు భావిస్తున్నారా? ఎ. ఇది తక్షణ ప్రభావాన్ని చూపగలుగుతుంది. బి. మధ్య కాలం నుండి దీర్ఘ కాలంలో ప్రభావం ఉండగలదు. సి. కనీస ప్రభావం ఉంటుంది. డి. తెలియదు
7. నోట్ల రద్దు స్థిరాస్తి, ఉన్నత విద్య, ఆరోగ్య సంరక్షణ లను సామాన్య మానవుడి అందుబాటులోకి తీసుకురాగలుగుతుంది. ఎ. పూర్తిగా అంగీకరిస్తాను బి. కొంతవరకు అంగీకరిస్తాను సి. చెప్పలేను
8. అవినీతి, నల్లధనం, ఉగ్రవాదం మరియు నకిలీ కరెన్సీ తయారీలపై మన పోరాటం వల్ల మీకు కలిగే అసౌకర్యం పట్ల మీకు అభ్యంతరం ఉందా? ఎ. ఎంతమాత్రం లేదు బి. కొంతవరకు ఉంది, కానీ దాని వల్ల కొంత మేలు జరగగలదు సి. అవును
9. అవినీతి వ్యతిరేక కార్యకర్తలు ప్రస్తుతం నిజానికి నల్లధనం, అవినీతి మరియు ఉగ్రవాదాలకు మద్దతుగా పోరాడుతూ ఉన్నారని మీరు నమ్ముతున్నారా? ఎ. అవును బి. కాదు
10. ప్రధాన మంత్రి నరేంద్ర మోదీ తో పంచుకోవాలని మీరు అనుకుంటున్న ఏవైనా సలహాలు, ఉపాయాలు లేదా అంతర్ దృష్టి వంటివి మీ వద్ద ఉన్నాయా?
రూ.500, రూ.1,000 నోట్లు చట్టబద్ధ ద్రవ్యం కావు అని ప్రకటించిన నిర్ణయానికి సంబంధించి సునిశితమైన, నేరు దృష్టికోణాలను ప్రధాన మంత్రి తెలుసుకోగోరారు. అంతే కాకుండా ఈ నిర్ణయం అమలును దృఢతరంగా ఎలా చేయవచ్చో అనేదానిపైన కూడా ఆయన ప్రజల ప్రతిస్పందనను ఆహ్వానించారు.
ప్రజలతో ప్రత్యక్ష సంబంధం కలిగి ఉండాలనే ప్రధాన మంత్రి అంతరంగ విశ్వాసం సర్వేక్షణలో మరొక్కసారి వ్యక్తమైంది.
I want your first-hand view on the decision taken regarding currency notes. Take part in the survey on the NM App. https://t.co/TYuxNNJfIf pic.twitter.com/mWv2frGn3R
— Narendra Modi (@narendramodi) November 22, 2016
