കന്യാകുമാരി വിവേകാനന്ദ കേന്ദ്രത്തില്‍ നടക്കുന്ന രാമായണ ദര്‍ശനം പ്രദര്‍ശനത്തിന്റെ ഉദ്ഘാടനച്ചടങ്ങില്‍ വീഡിയോ കോണ്‍ഫറന്‍സിങ്ങിലൂടെ പ്രധാനമന്ത്രി ശ്രീ. നരേന്ദ്ര മോദി പങ്കെടുത്തു.
ജനുവരി 12 മറ്റേതൊരു ദിവസവും പോലെയല്ലെന്നും സ്വാമി വിവേകാനന്ദന്റെ ശക്തമായ ചിന്തകള്‍ ഒട്ടേറെ മനസ്സുകളെ സ്വാധീനിച്ചുകൊണ്ടിരിക്കുകയാണെന്നും അദ്ദേഹം ചൂണ്ടിക്കാട്ടി. ഇന്ത്യ ഒരു യുവ രാഷ്ട്രമാണെന്നും ആധ്യാത്മികമായും ഭൗതികമായും വികസിക്കേണ്ടതുണ്ടെന്നും പ്രധാനമന്ത്രി പറഞ്ഞു. സ്വാമി വിവേകാനന്ദന്റെ ചിന്തകള്‍ രാഷ്ട്രനിര്‍മാണ പ്രവര്‍ത്തനങ്ങള്‍ നടത്താന്‍ യുവാക്കളെ പ്രേരിപ്പിക്കുമെന്നും അദ്ദേഹം അഭിപ്രായപ്പെട്ടു.
വിശുദ്ധനായ തിരുവള്ളുവര്‍ക്കും ശ്രീ. ഏകനാഥ റാനഡെയ്ക്കും പ്രധാനമന്ത്രി ആദരാഞ്ജലി അര്‍പ്പിച്ചു. പഠനപ്രക്രിയ ഒരിക്കലും അവസാനിക്കുന്നതല്ലെന്ന് അദ്ദേഹം യുവാക്കളോട് ആഹ്വാനം ചെയ്തു.
