ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (12.01.2017) ଭିଡିଓ କନଫେରେନ୍ସିଙ୍ଗ ଜରିଆରେ କନ୍ୟାକୁମାରୀସ୍ଥିତ ବିବେକାନନ୍ଦ କେନ୍ଦ୍ରରେ ଅନୁଷ୍ଠିତ ରାମାୟଣ ଦର୍ଶନମ ପ୍ରଦର୍ଶନୀର ଉଦ୍ଘାଟନୀ ସମାରୋହକୁ ସମ୍ବୋଧିତ କରିଛନ୍ତି ।
ସେ କହିଛନ୍ତି ଯେ, ଜାନୁୟାରୀ 12 ତାରିଖ କୌଣସି ସାମାନ୍ୟ ଦିବସ ନୁହେଁ । ସ୍ଵାମୀ ବିବେକାନନ୍ଦଙ୍କ ପ୍ରଭାବଶାଳୀ ଚିନ୍ତାଧାରା ଜନମାନସକୁ ପ୍ରଭାବିତ କରିଆସିଛି । ଆଜିର ଭାରତ ହେଉଛି ଯୁବ ଭାରତ ଏବଂ ଏହା ବସ୍ତୁଗତ ଏବଂ ଆଧ୍ୟାତ୍ମିକ ଦୃଷ୍ଟିକୋଣରୁ ବିକଶିତ ହେବାକୁ ପଡିବ । ସ୍ଵାମୀ ବିବେକାନନ୍ଦଙ୍କ ବାଣୀ ଓ ଚିନ୍ତନ ସବୁବେଳେ ଯୁବଶକ୍ତିକୁ ଦେଶ ଗଠନରେ ବ୍ରତୀ ହେବାକୁ ଅନୁପ୍ରାଣିତ କରିଆସିଛି ବୋଲି ପ୍ରଧାନମନ୍ତ୍ରୀ କହିଥିଲେ ।
ଏହି ଅବସରରେ ପ୍ରଧାନମନ୍ତ୍ରୀ ମହାନ ସନ୍ଥ ତିରୁୱାଲୁବର ଏବଂ ଏକନାଥ ରାନାଡେଙ୍କୁ ଗଭୀର ଶ୍ରଦ୍ଧାଞ୍ଜଳି ଜଣାଇଥିଲେ । ମାନବ ପାଇଁ ଶିକ୍ଷଣ ପ୍ରକ୍ରିୟାର କେବେହେଲେ ଅନ୍ତ ଘଟେ ନାହିଁ ବୋଲି ପ୍ରଧାନମନ୍ତ୍ରୀ ଯୁବଗୋଷ୍ଠୀଙ୍କୁ ସ୍ମରଣ କରାଇ ଦେଇଥିଲେ ।
